Бидний Тухай
Манай компани нь 2016 онд үүсгэн байгуулагдсан цагаасаа олон улсын тээвэр зуучийн үйлчилгээг эрхэлж, нийт харилцагч, үйлчлүүлэгчдийнхээ итгэлийг даан, амжилттай ажилласаар ирсэн.
Манай хамт олон нь Захиргааны алба, Борлуулалтын алба, Санхүүгийн алба, Талбай, Аж Ахуйн албаас бүрддэг бөгөөд хотын баруун ба зүүн бүсийн гаалийн хяналтын талбайд болон төвийн бүсэд байрлаж үйл ажиллагаагаа явуулдаг.
Бид үйлчилгээгээ үе шаттайгаар өргөжүүлэн хөгжүүлж, харилцагчдынхаа хүсэл шаардлагад нийцсэн чанартай үйлчилгээг үзүүлэн Монгол улсынхаа эдийн засаг болон нийгмийн хөгжилд өөрсдийн тодорхой хувь нэмрийг оруулахын тулд хичээн ажилладаг билээ.
Алсын Хараа
Монгол улсын гадаад худалдааг дэмжих зорилгоор дэлхийн бусад улс орнуудын тээвэр зуучийн байгууллагуудтай хамтран экспорт, импортын ачаа тээврийг зохион байгуулж, монгол улсын эдийн засгийн хөгжилд хувь нэмрээ оруулахад оршино.
Эрхэм Зорилго
Нийгэм цаг үеийн ямар ч нөхцөл байдалд тохируулан тээвэр зуучийн үйлчилгээг дэлхийн жишигт нийцүүлэн чанарын өндөр түвшинд хийж гүйцэтгэнэ. Ингэхдээ үйлчлүүлэгч болон харилцагчдынхаа эрх, ашигт нийцсэн тээврийн замналыг санал болгож, хамтран ажилласан цаг мөчөөс эхлэн бүхий л үйлчилгээндээ анхаарч, тогтвортой түншлэлийг бий болгоход бидний эрхэм зорилго оршино.
Guiding Principle
• Хууль дүрмийг чанд мөрдөх
• Хариуцлагатай байх
• Харилцагчаа хүндлэн дээдлэх
• Шинэчлэлт, сайжруулалтыг эрэлхийлэх
• Ёс зүйтэй, хүнлэг хамт олон байх
Бидний Үйлчилгээ
Тээврийн Төрлүүд
2. Төмөр Замын Тээвэр
ОХУ, БНХАУ, Европын улсуудаас тээвэрлэх ачаа барааг Улаанбаатар төмөр зам-тай хамтран хийж гүйцэтгэдэг. Төмөр замын тээвэр нь хугацааны хувьд удаанд тооцогддог ч төлбөрийн хувьд харьцангуй хямд гэдгээрээ онцлог. Төмөр замаар энгийн чингэлэг, энгийн вагон, хөргүүртэй вагон, тавцант вагон, цистерн буюу үр тарианы вагон бүхий ачааг тээвэрлэх боломжтой.
3. Авто Тээвэр
Манай компани нь Олон улсын Авто тээврийн Тир карнет хэлэлцээрийн дагуу Европын орнуудаас импортлож буй ачаа барааг том оврын автомашин, хөргүүртэй автомашин, хагас чиргүүлтэй автомашинаар тээвэрлэх үйлчилгээ үзүүлдэг. Энэхүү тээвэр нь хугацааны хувьд хэмнэлттэй ОХУ болон Европын улсуудын ачаа тээвэрт тохиромжтой сонголт юм.
4. Агаарын Тээвэр
Бид орон орны ачаа тээврийн байгууллагуудтай тогтвортой түншийн харилцаатай хамтран ажилладгийнхаа хүрээнд дэлхийн аль ч улсаас Чингис Хаан Олон Улсын Нисэх онгоцны буудал хүртэлх агаарын тээврийн үйлчилгээг харилцагч нартаа санал болгодог. Агаарын тээвэр нь таны цагийг хэмнэсэн хамгийн хурдан шуурхай үйлчилгээ юм.
Ачааны Төрлүүд
Бид тээвэр зуучийн цогц үйлчилгээ болон бүх төрлийн ачааг тээвэрлэх үйлчилгээг танд санал болгож байна.
Бүтэн чингэлэг, машин ачаа /FCL, FTL/
Техник, тоног төхөөрөмж, барилгын материал, тавилга, автомашин зэргээс эхлээд температурын горим болон тусгай нөхцөл шаардахгүй бүх төрлийн энгийн ачаа болон цуглуулбар ачаа барааг бүтэн чингэлгээр тээвэрлэнэ. Бүтэн чингэлэг ачааг төмөр замаар болон автозамаар дамжуулан хамгийн хямд, түргэн шуурхай тээвэрлэх боломжтой.
Түүвэр буюу цуглуулбар ачаа /LCL, LTL/
Үйлчлүүлэгчийн ачаа бүтэн чингэлэг дүүрэхгүй байх тохиолдолд өөр үйлчлүүлэгчтэй хамтран нэг чингэлэгт дүүргэн ачих замаар түүвэр буюу цуглуулбар LCL /Less than Container Load/ үйлчилгээг манай компани санал болгож байна. Бага ачааг тээвэрлэх тохиолдолд зардлын хувьд хэмнэлттэй гэдгээрээ давуу талтай.
Тусгай нөхцөл шаардах ачаа
Тээвэрлэлтийн тусгай горим, стандарт, импортын зөвшөөрөл шаардах түргэн муудах эрсдэлтэй хүнсний төрлийн бүтээгдхүүн, аюултай ачааны ангилалд багтах бүх төрлийн ачаа болон хэтрүү овортой ачаа барааг тээвэрлэхэд хурдны хязгаарлалт, цагдаагийн хамгаалалт, температурын тохируулга шаардагддаг. Дээрх бүх төрлийн тусгай нөхцөл шаардах ачааг тээвэрлэх үйлчилгээг бид үзүүлж байна.
Төслийн ачаа
Олон тооны бүрдүүлэх бичиг баримт, холбогдох зөвшөөрөл, тээвэрлэх стандартын хүрээнд замын судалгаа, тээврийн маршрут болон зохион байгуулалтын график, цагдаагийн болон цэрэгжүүлсэн хамгаалалт, гадаад тээврийн даатгал зэрэг шаардлагад нийцүүлэн зориулалтын техник, тоног төхөөрөмжөөр бид төслийн ачаа тээврийг зохион байгуулж байна.
Нэмэлт үйлчилгээ
Тээврийн мэдээний үйлчилгээ
Тээврийн зөвлөх үйлчилгээ
Талбайн дотоод үйлчилгээ
Дотоод хүргэлтийн үйлчилгээ
Гадаад тээврийн даатгалын үйлчилгээ
Стандарт сав, баглаа боодлын үйлчилгээ
Гаалийн баталгаат агуулахын үйлчилгээ
Экспортын, импортын гаалийн бүрдүүлэлтийн үйлчилгээ
Бидний давуу талууд
Мэргэшсэн хамт олон
Бидний бүрэлдэхүүн олон жилийн дадлага туршлага бүхий хамт олноос бүрдсэн бөгөөд мэргэжлийн ур чадвар бүхий ажилчид маань ямагт чанартай үйлчилгээ үзүүлэхийг зорьдог.
Харилцагчийн сэтгэл ханамж
Бид харилцагч, үйлчлүүлэгчдээ үргэлж тэргүүнд тавьж тэдний хэрэгцээ, шаардлагыг эрхэмлэн, санаа тавин хамтарч ажилладаг.
Хурдтай гүйцэтгэл
Харилцагч, үйлчлүүлэгч нарынхаа алтан цагийг хүндэтгэж, аливаа ажлыг цаг алдалгүй, түргэн шуурхай боломжит хамгийн богино хугацаанд гүйцэтгэхийг эрмэлздэг.
Биднийг дагаарай
Та бүхэн бидний Facebook хуудсаар дамжуулан манай байгууллагын
үйлчилгээтэй холбоотой мэдээллүүдийг тогтмол аваарай.
Холбоо барих
Та бидэнтэй холбогдож үйлчилгээний талаар дэлгэрэнгүй мэдээлэл аваарай.
Утас
+976 7000 6886
- 1-р шугам – Замын мэдээ
- 2-р шугам – Борлуулалт, үйлчилгээний алба
- 3-р шугам – Санхүүгийн алба
И-мэйл
info@taimenlogistic.mn
Хаяг
15140 Улаанбаатар хот, Баянзүрх дүүрэг, 10-р хороо,
“Амгалан Ложистик” ХХК оффис, 2-р давхар, 206 тоот