🚙 “Baby Land Cruiser” Toyota-ийн Ази дахь борлуулалтыг дэмжинэ
Toyota компани Азийн зах зээл дэх байр сууриа бэхжүүлэхдээ Land Cruiser цувралынхаа хамгийн авсаархан загвар болох Land Cruiser FJ-д өндөр найдлага тавьж байна.
Азийн орнуудын нарийн замд тохирох овор хэмжээ, бартаат зам туулах чадварыг хослуулсан шинэ загварын эрэлт Японд Toyota-ийн борлуулалтын зорилтыг давж, Зүүн Өмнөд Азийн зах зээлүүдэд ч хэрэглэгчдийн анхаарлыг татаж байна.
Тайландад үйлдвэрлэдэг "Land Cruiser FJ"-г өнгөрсөн гуравдугаар сард тус улсад анх танилцуулж, Зүүн Өмнөд Азийн гол зах зээлүүдэд борлуулж эхэлжээ. Зүүн Өмнөд Ази нь дэлхийн хамгийн хурдацтай тэлж буй автомашины зах зээлүүдийн нэг бөгөөд олон арван жилийн турш Toyota болон Honda Motor компанийн үйлдвэрлэлийн гол бааз байсаар ирсэн юм. Гэсэн хэдий ч BYD тэргүүтэй БНХАУ-ын брэндүүд боломжийн үнэтэй цахилгаан автомашинуудаараа бүс нутагт эзлэх байр сууриа эрчимтэй тэлж буй.
